AQSHga yubormoqchi bo‘lgan firibgar ushlandi
Buxoroda Amerikaga yuborish bilan bog‘liq firibgarlik holati aniqlandi.
Davlat xavfsizlik xizmati Buxoro shahrida 1997 yilda tug‘ilgan, muqaddam 3 marotaba sudlangan shaxsni jinoyat ustida ushladi.
U aldov yo‘li bilan 32 yoshli hamshahrining ishonchiga kirib, unga Amerika Qo‘shma Shtatlari elchixonasidan tegishli viza olib, okean ortiga ishga yuborish evaziga 40 ming AQSH dollari talab qiladi.
U so‘ralgan pul mablag‘idan 30 ming AQSH dollarini oldindan olgan vaqtida Davlat xavfsizlik xizmati va Bosh prokuratura huzuridagi Iqtisodiy jinoyatlarga qarshi kurashish departamenti xodimlari tomonidan ashyoviy dalillar bilan ushlandi.
Hozir holat yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.
Zarif Komilov, O‘zA muxbiri