Ўтган дам олиш куни “Ўргимчак-одам” кинокартинасининг давоми касса йиғими бўйича энг омадли бешта фильмнинг бирига айланди. У биринчи дам олиш кунининг ўзида чорак миллиард доллар фойда келтирган, деб ёзмоқда Hollywood Reporter.

"Душанба куни якуний рақам 260 миллион доллар бўлди. Бу кино тарихидаги иккинчи рекорд натижа", – деб хабар тарқатди ушбу нашр.

Порталнинг берган маълумотига кўра, янги фильмнинг дунё бўйича бошланган прокати биринчи дам олиш кунида 600,8 миллион доллар тўплаган. Бу дунё кино тарихида қайд этилган учинчи натижа бўлди.

Нашрнинг келтиришича, янги "Ўргимчак одам" АҚШда пандемия даврида биринчи дам олиш кунида касса йиғими 100 миллион доллардан ошган илк фильм ҳисобланади.

Умуман олганда, биринчи дам олиш куни касса йиғими бўйича етакчиликни "Қасоскорлар" киноэпопеясининг сўнгги қисми эгаллаб турибди. Ушбу кинокартина биринчи дам олиш куни 357 миллион доллар тўплаган. "Ўргимчак-одам" ва "Қасоскорлар: уруш ҳеч қачон тугамайди" фильмлари иккинчи ўринни ўзаро баҳам кўриб турибди.