Флорида штатида чегараланган тезликни бузгани учун тўхтатилган ҳайдовчи айбни Россия президенти Владимир Путинга юклашга уриниб кўрди, деб ёзмоқда New York Post маҳаллий ҳукуматга таяниб.

Аввал бошда қоидабузар шерифни машинани яқинда олгани ва спорт режимини ўчиришга ҳаракат қилганига ишонтирмоқчи бўлган. Кейин эса бошқа баҳонани рўкач қила бошлаган.

"Мен ҳозиргина Владимир Путин бутун дунёга қарши ядро урушини бошламоқчи бўлаётганини эшитдим ва тезроқ уйга қайтиб, бўлаётган воқеаларни билмоқчи бўлдим. Мени ваҳима босаяпти", – деган у.

Натижада йўл ҳаракати қоидасини бузгани учун автомобилистга иккита жарима ёзилган, деб маълум қилмоқда РИА Новости.