АҚШ мудофаа вазири Ллойд Остин Американинг барча ҳарбий хизматчиларини COVID-19 га қарши тўлиқ таркибда эмлашни кечиктирмасдан бошлаш ҳақида буйруқ берди, дейилади Пентагон сайтида тарқатилган хабарда.

"Мудофаа вазирликка қарашли барча ҳарбий муассасалар, жумладан, Миллий гвардия  ҳарбий хизматчиларини тўлиқ равишда  эмлашни кечиктирмасдан бошлашни буюраман", - дейилади ҳужжатда.

Меморандумда таъкидланишича, ушбу қарор мамлакатнинг тиббий экспертлар ҳамжамияти, ҳарбий раҳбарият ҳамда АҚШ президенти Жо Байден билан атрофлича маслаҳатлашилгандан кейин қабул қилинган.