Америкалик Фред Синглтон 42 йил давомида электр стулда амалга ошириладиган қатл амалиётини кутиб, 81 ёшида қамоқхона касалхонасида табиий сабабга кўра вафот этди. Бу ҳақда АР Жанубий Каролина жазони ижро этиш департаментига таяниб ёзган.

Қайд этилишича, 1983 йил зўрлаш, қотиллик ва ўғирликда айбланган бу одамга энг оғир жазо белгилаган.

Фред штат тарихида ҳукм ижросини энг кўп кутган маҳбус ҳисобланади. Суд бўлажак қатл оқибатини англаб етишига тўсқинлик қиладиган даражада руҳан носоғломлиги боис, ушбу жиноятчини қатл қилиш мумкин эмас, деб топган эди.

С.Раҳимов, ЎзА