AQSH vitse-prezidenti Jey Di Vens bugun G‘azoga hujumni to‘xtatish rejasining birinchi bosqichini yakunlash va ikkinchi bosqichiga o‘tish masalasini muhokama qilish uchun Tel-Avivga kelishi kutilyapti.

Isroil 12-telekanali axborotiga ko‘ra, amerikalik mulozim mahalliy yuqori martabali amaldorlar bilan uchrashuv chog‘ida “garovga olinganlarni qaytarish mavzusini ko‘taradi.

"Haaretz" gazetasi avvalroq Tramp rejasining ikkinchi qismini amalga oshirish bo‘yicha munozara boshlangani haqida xabar bergandi. Mazkur bosqichda Isroil armiyasi olib chiqilishini davom ettirish, G‘azoda muqobil hukumat tuzish va XAMASni qurolsizlantirish nazarda tutiladi.

"Yedioth Ahronoth" nashri yozishicha, Vensning tashrifi Trampning mintaqadagi maxsus vakili Stiv Uitkoffning qaytishiga to‘g‘ri keladi. Muzokara chog‘i “kelishuvni to‘liq amalga oshirish, jumladan garovga olingan marhumlar jasadini qaytarish”ga ham alohida e’tibor qaratiladi.

G.Sattorova, O‘zA