AQSH Kongressi Vakillar palatasi spikeri Kevin Makkartining fikricha, Xitoy uning Tayvanga tashrif buyurishini taqiqlay olmaydi.

U 1 fevral kuni AQSH Prezidenti Jo Bayden bilan uchrashuvdan so‘ng jurnalistlar savollariga javob berar ekan, “Xitoy menga qayerga borishim mumkin-mumkin emasligini ayta olmaydi, deb o‘ylayman”, dedi.

Davlat departamenti matbuot kotibi Ned Prays Makkartining Tayvanga ehtimoliy safariga oid qarorlarida mutlaqo mustaqil ekanini ta’kidladi.

“Punchbowl News” internet nashri o‘z manbasiga tayanib, Pentagon Makkartining bahorda Tayvanga borishi masalasini ko‘rib chiqayotgani haqida xabar bergan edi. O‘zi ham spiker etib saylanganidan keyin Tayvanga safar bilan borishi to‘g‘risida gapirib o‘tgan edi.

O‘zA