Қўшма Штатлар Япония хавфсизлигини таъминлашда, шу жумладан, бунинг учун ядро қуролидан фойдаланиши зарурлигига ишонч ҳосил қилади. Бу ҳақда АҚШ ва Япония ҳукуматларининг Вашингтонда икки давлат Ташқи ишлар ва Мудофаа вазирликлари раҳбарларининг музокаралар якунлари бўйича эълон қилинган баёнотга таяниб, “TASS” агентлиги хабар берди.

Баёнотда АҚШ Ўзаро ҳамкорлик ва хавфсизлик кафолатлари тўғрисидаги шартноманинг 5-моддасига биноан Японияни ҳимоя қилиш бўйича ўзининг қатъий мажбуриятини яна бир бор таъкидлагани айтилади. Бунинг учун ҳар қандай ҳарбий салоҳият, шу жумладан, ядровий воситалардан фойдаланиш мумкин.

Ҳужжатда, шунингдек, келишув иштирокчиларининг ҳар бири иттифоқчига қарши ҳар қандай ҳарбий таҳдидни унинг миллий хавфсизлигига таҳдид, деб ҳисоблаш ҳуқуқига эга эканлиги қайд этилган.  

Бундан ташқари, АҚШ ва Япония Конституцияда белгилаб қўйилган мажбуриятга қараб, вазиятдан келиб чиқиб ҳаракат қилиш ҳуқуқини беради.  

ЎзА