АҚШ ва Саудия Арабистони ҳарбий-денгиз кучлари эҳтимолий иштирокида Ямандаги “Ансор Аллоҳ” ҳаракати (хусийлар)га қарши қуруқликдаги ҳарбий амалиётга тайёрланмоқда, деб хабар тарқатди CNN телеканали.

Минтақавий дипломатик манбалар жануб ва шарқ, шунингдек қирғоқ бўйлаб бошланадиган амалиётга тайёргарлик кўрилаётганини маълум қилган. Мувофиқлаштирилган ҳужум, шунингдек, Саудия ва АҚШ томонидан Ҳудайда портини қайтариб олишга уринаётган ҳарбий-денгиз кучларини ҳам қўллаб-қувватлаши мумкин.

Трамп 15 март куни ҳарбийларга хусийларга қарши “қатъий ва кучли” чоралар кўришни буюрган. Шундан сўнг Марказий қўмондонлик кучлари Яман ҳудудидаги нишонларга қатор зарбалар берди. Аввалроқ Президент “NBC News” телеканалига берган интервьюсида “Агар АҚШ ва Эрон келишувга эришмаса, мисли кўрилмаган портлашлар юз бериши” билан таҳдид қилган эди.