АҚШ президенти Жо Байденнинг баёнот беришича, Саудия Арабистони раҳбарияти вакиллари билан жаҳон бозорини нефть билан етарлича таъминлаш масаласини муҳокама қилган.

"Биз жаҳон энергетика хавфсизлигини таъминлаш ва жаҳон иқтисодиётини ривожлантириш учун етарлича нефть таклиф қилиш масалаларини муҳокама қилдик. Тез  орада ушбу масалани ҳаётга жорий қилишни бошлаймиз. Мен таклифни ошириш учун барча чорани кўраман", – деди Байден Саудия Арабистонида ташкил этилган матбуот анжуманида.

Оқ уй раҳбарининг таъкидлашича, Саудия подшоҳлиги "мазкур масаланинг муҳимлигини ва  кечиктириб бўлмаслигини яхши англайди". "Мен ушбу йўналишда яқин ҳафталарда янги қадамларни кўришга умид қиламан", - деди Байден.