Россия Президенти Владимир Путин Президент Дональд Трамп билан мулоқотга киришиш қулайлигини таъкидлаб, унинг Украина билантинчлик ўрнатишга қаратилган саъй-ҳаракатини олқишлади, юзага келган инқирозни ҳал этишга уринишини ижобий баҳолади. Шу билан биргаАҚШ томонидан Киевга узоқ масофага учувчи “Томагавк” ракеталари етказиб берилиши эҳтимоли Россия билан ҳолат яна кескинлашувига олиб келишини айтди. Яъни, бу нафақат ҳарбий рақобатнинг янги босқичи, балки ўзаромуносабатлар ривожи учун ҳам жиддий хатар эканини билдирди. Бу ҳақда “Евроньюс” ёзган.
Ўтган ҳафта АҚШ расмийлари Киевга ракета етказиб бериш масаласи кўриб чиқилaётганини маълум қилган эди. Вице-президент Жей Ди Вэнс якшанба куни “Fox News” телеканалига берган интервьюсида буни тасдиқлади ва “Президент Америка манфаати ҳимояси учун зарур ҳар қандай чорани кўради”, – деди.
Валдай халқаро мунозара клубидаги чиқишида Путин ушбу ракеталарнинг жанг майдонидаги ўрни сезиларли эмаслиги, Россия ҳарбийлари тизимли ҳаракати билан фронтда муваффақиятга эришиб келаётганини айтди.
Оқ уй мансабдорларидан бири қайд этишича, Россия Украинага қарши уруш бошлаши мамлакат иқтисодиёти ва халқаро имижига жиддий зарар келтирган. “Путин бир неча бор тинчлик келишуви бўйича таклифни рад этди, бу тавсиялар РФ учун фойда келтириши мумкин эди”, – дея таъкидлаган.
Шунингдек, Путин ўз чиқишида ўтган ҳафта Дания осмонида юз берган дронлар билан боғлиқ ҳодисада Ғарб Россияни айблаётганига ҳам қўшилмади. РФ етакчисининг фикрича, бу НАТО томонидан “тангликни кучайтириш ва мудофаа харажатини ошириш”га қаратилган стратегик ҳаракатдир.
Ҳар ҳолда дрон билан боғлиқ воқеа ортида ким тургани ҳозирча маълум эмас. Дания Бош вазири ваНАТО Бош котиби Россиянинг алоқадорлиги эҳтимолини инкор қилмаяпти.
Копенгагенда бўлиб ўтган Европа етакчиларисаммитида сўзга чиққан Украина ПрезидентиВладимир Зеленский кўҳна қитъа бўйлабкузатилаётган дрон ҳодисалари “Россия урушникучайтиришга ҳамон жасорат топаётганининг очиқбелгиси” эканини таъкидлади.
– Гап фақат Украина ҳақида эмас, Россияда ҳардоим Ғарбни, айниқса Европани бўйсундиришистаги бўлган, – деди Зеленский. – Бугунрусларнинг стратегияси оддий: Европанибўлиш, орамизни совутиш, бирлашишимизга йўл қўймаслик.
<iframe width="560" height="315" src="https://www.youtube.com/embed/DrQgoEJS1Pk?si=R4jESqWIJE0AcPUu" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>К.Бекжонов, ЎзА