Пентагон раҳбари Ллойд Остин Киевга ҳарбий ёрдам кўрсатаётган мамлакатларнинг виртуал йиғилишида Украинага ҳарбий ёрдамнинг янги пакетига яна тўртта HIMARS ракета тизими киришини қайд этди. Трансляция АҚШ Мудофаа вазирлиги сайтида намойиш этилди.

Остиннинг сўзларига кўра, Украина томони реактив тизимлардан самарали фойдаланмоқда, бу эса жанг майдонидаги вазиятни сезиларли даражада ўзгартирди. Шунингдек, яқинда тақдим этиладиган Қўшма Штатлардан янги ёрдам пакети МЛРС ва артиллерия учун ўқ-дориларни ўз ичига олади.