АҚШ Украинага вертолётларнинг иккинчи партиясини етказиб беришни бошлади
Улар Россияда ишлаб чиқарилган Ми-17 вертолётлари, деб маълум қилди Пентагоннинг юқори лавозимли вакили.
«Ушбу қўшимча 11 та Ми-17 вертолётларининг биринчиси бугун жўнатилади», – деган у журналистлар учун уюштирилган брифингда.
Биринчи партияда бешта худди шундай вертолёт бор эди. Хабарда таъкидланишича, гап АҚШ бир вақтлар Афғонистон ҳарбийлари учун Россиядан сотиб олган машиналар ҳақида бормоқда.