Қўшма Штатлар маъмурияти Конгрессдан Украинага кўмак сифатида 10 миллиард доллар ажратишни сўради.

Бу ҳақда “The Washington Post”нинг манбалари маълум қилган. Нашрда айтилишича, Жо Байден маъмурияти маблағ Украинадаги гуманитар таназзулга қарши, мамлакат мудофаа қудратини ошириш, ҳарбийларни ўқитиш, шунингдек, энергия тизимини ҳимоялашга йўналтирилишини маълум қилган.

Маблағ билан, шунингдек, европалик иттифоқчилар ҳам қўллаб-қувватланади. Бундан ташқари, Оқ уй пандемияга қарши кураш учун 22,5 миллиард доллар маблағ сўрайди.