Qayd etilganidek, Oʻzbekistonda diniy taʼlim va maʼrifat jamiyatning maʼnaviy va axloqiy yangilanishida muhim omil hisoblanadi. BMT Bosh Assambleyasining 72-sessiyasida Prezident Shavkat Mirziyoyev tashabbusi bilan “Maʼrifat va diniy bagʻrikenglik” rezolyutsiyasining qabul qilinishi xalqaro hamkorlik sohasida muhim voqealardan boʻldi. Rezolyutsiyaning asosiy maqsadi — barchaning taʼlim olish huquqini taʼminlash, savodsizlik va jaholatga barham berishdir.

Oʻzbekistonda tizimli tarzda din bilan bogʻliq jinoyatlarda ayblanganlar orasida jinoyatchilik va radikallashuvning oldini olish, ekstremizm sabablari haqida oldindan ogohlantirish boʻyicha ishlar amalga oshirilmoqda. Bunda “Jaholatga qarshi maʼrifat” tamoyiliga asoslanilmoqda. Soʻnggi uch yil ichida diniy sabablar bilan sudlangan 20 mingdan ortiq mahbuslar afv etilgan hamda “qora roʻyxat”dan chiqarilgan.

Taʼkidlanganidek, mamlakatimizda turli sohalarda amalga oshirilayotgan islohotlarda Oʻzbekiston xalqaro, davlat va nodavlat tashkilotlar, jumladan, BMT, YEXHT, Yevropa Ittifoqi, AQSH va boshqa manfaatdor tomonlar bilan hamkorlikni davom ettiradi.

Shuningdek, tashrif doirasida Oʻzbekistonning Vashingtondagi elchixonasida biznes, xalqaro tashkilotlar va fuqarolik jamiyati institutlari vakillari bilan uchrashuv boʻlib oʻtdi.