АҚШ Таяу Шығысқа Иран мен Ливаннан Израильге шабуыл жасау ықтималдылығы үшін суасты кемелері мен екінші ұшақ тасығышын жібереді.

Бұл туралы «Euronews» хабарлады.

Израильдің қорғаныс министрі америкалық әріптестеріне еврей мемлекеті шабуылға тойтарыс беруге толық дайын екенін айтқан.

«Біз шайқасқа дайынбыз. Тегеран мен Бейрут қаупі шындыққа айналуы мүмкін. Дайындық пен қырағылық қорқыныш пен үрейдің синонимі емес екенін әркім түсінуі маңызды», - деген Йоав Галлант. 

Қазіргі уақытта Израиль күштері Хан Юнис аймағындағы нысандарға қайтадан соққы беруде. Бұған дейін әскери қолбасшылық Израиль қалаларына зымырандық шабуылдар жасаған лаңкестерге қарсы операцияға дайындалып жатқан халықты эвакуациялауға шақырған.