АҚШ Өкілдер палатасы мүшелерінің көпшілігі президент Дональд Трампқа импичмент жариялауға шақырған резолюцияны мақұлдады. Бұл АҚШ тарихында бір президентке екінші рет импичмент жарияланған алғашқы жағдай.

Атаулы құжат енді Конгресстің жоғарғы палатасы - Сенатқа беріледі. Резолюцияда Трампты өткен аптадағы Капитолийдегі тәртіпсіздіктерден кейін бүлік шығарды деп айыпталған.

Президенттік мерзімінің аяқталуына бір апта қалғанда 232 конгрессмен, оның ішінде 10 республикашыл, Трампқа импичмент жариялауға дауыс берген болып, 197 қарсы болған.

Трамптың биліктен мерзімінен бұрын кетуі үшін оған сенатта импичмент жариялау қажет, бірақ республикашылдың жоғарғы палатасының спикері Митч МакКоннелл сенаторлар 20 қаңтарда мемлекет басшысының мерзімі біткенге дейін бұл мәселе қаралмайтынын айтқан.

Бұған дейін президент Трампқа алғашқы импичмент 2019 жылдың желтоқсанында жарияланған болатын. Сол кезде конгрессмендер Трампты билікті асыра пайдаланды және Конгресстің тергеуіне кедергі жасады деп айыптаған болатын. Алайда Сенат бұл импичментке қарсы дауыс берген еді.