Хабарингиз бор, 3 ноябрь куни АҚШда навбатдаги президент сайловлари бўлиб ўтди. Бир ҳафтадан ошдики ҳалигача Оқ уйга ким эгалик қилиши эълон қилинмади.

Президент Дональд Трамп рақиби Жо Байденга берилган овозлар сохта эканлигини айтмоқда.  

Сайлов натижарига асосланиб Жо Байден  эса ўзининг сайловда ғолиб бўлганини эътироф этган.

"RealclearPolitcs" аналитик таҳлил портали ўрганишлари натижаларига кўра, Жо Байденнинг  тўплаган дастлабки натижаларидан 20 та сайловчилар овози бекор қилганда  унга ғолиблик учун яна 11 овоз камлик қилмоқда.

АҚШ тарихида 45-президент бўлиб сайланган Дональд Трмпнинг ушбу сайлов натижаларига кўра президентлик ваколати тугатилса, у мамлакатнинг сўнгги 27 йиллик тарихида иккинчи сайлов жараёнларида мағлуб бўлган президент ҳисобланади.

АҚШ нинг баъзи президентлари ҳақида қисқача маълумотлар келтирамиз.

АҚШ тарихида фақат биргина президент Франклин Рузвелт  кетма-кет тўртта сайловда иштирок этиб ғалаба қозонган.

Рузвелтнинг  амакиваччаси Анна Элеанор Рузвелтга уйланади. Элеанорнинг  отаси Фраклиннинг кумири бўлган презиедент Теодор Рузвелтнинг укаси эди.

Бир киши фақат икки муддатга сайланиши мумкинлиги 1951 йилда президент Ҳарри Трумен даврида АҚШ конституциясида ҳам белгилаб қўйилди.

АҚШ тарихида энг қисқа муддат  президентлик қилган шахс Уилям Ҳаррисон (9-президент) ҳисобланади. У бор-йўғи бир ой  1841 йилнинг 4 мартидан 4 апрелигача президентлик лавозимини эгаллаб турган.

Ҳаррисон  инаугурация куни ҳаво жуда совуқ бўлганлиги сабабли маросимдан сўнг шамоллаб қолади ва бир ойдан сўнг 1841 йил 4 апрелида пневмониядан вафот этади.

Гровер Кливленд (24-президент) АҚШ раҳбарлари орасида ўз никоҳ тўйини Оқ уйда ўтказган ягона президент бўлиб тарихда қолган.  

Жорж Вашингтон ва Жон Кеннеди АҚШ тарихидаги энг бой президентлар бўлган.

Президентлик даврида Вашингтоннинг    эгалик қилган бойликларининг қиймати 900 миллион долларга тенг эди. Жон Кеннедининг ота–онасидан  эса 850 миллион долларлик мулк қолган.

Мамлакатнинг амалдаги раҳбари Дональд Трампнинг 2017 йилдаги  ҳисобида 3,1 миллиард доллар маблағ бўлишига қарамай, Кеннеди ва Вашингтон давридаги ҳамда ҳозирги даврдаги доллар қийматини ҳисобга олсак, Трамп  АҚШ тарихидаги энг бой президент бўла олмайди.

АҚШ тарихида  энг камбағал президент Эндрю Жонсон бўлган.  Президентлик учун белгиланган маош ҳисобига кун кўрган Эндрю Жонсон  даврида 7,2 миллион доллар эвазига Аляска сотиб олинган.

АҚШ президентлари орасидаги ягона бўйдоқ президент Жеймс Бюкенен  бўлган.

Барак Ҳусайн Обама – АҚШ президенти бўлган биринчи афро-америкалик ҳисобланади.  

Мартин Ван Бюрен   АҚШ фуқароси ҳисобланган илк президент эди. Унгача ўтган етти нафар президентнинг барчаси Буюк Британия фуқаролиги ҳақидаги ҳужжат билан юрган.

АҚШ пул бирлиги долларининг ҳаммасига ҳам мамлакат президенти сурати туширилмаган. Мисол учун, 100 долларлик банкнотда АҚШ президенти бўлмаган сиёсатчи Бенжамин Франклин сурати туширилган.

Теодор Рузвелт,  Вудро Уилсон, Барак Обама Нобель тинчлик мукофотини олган АҚШ президентлари ҳисобланади.  

Сардорбек ПОЁНОВ тайёрлади