АҚШ-та су тасқыны мен дауылдан қаза тапқандар саны 13 адамға жетті.

CNN мәліметіне сәйкес, Батыс Вирджинияда 1 адам, ал Кентукки штатында 11 адам көз жұмған. Сонымен қатар, Джорджия тұрғыны өз үйінде дауылдың салдарынан құлаған ағаштың астында қалып, мерт болған.

Батыс Вирджиния губернаторы Патрик Моррис тілшілерге су тасқынынан кейін көптеген аймақтардағы тұрғындармен байланыс үзілгенін мәлімдеді.

Кентукки губернаторы Энди Бешер төтенше жағдайлар қызметінің мыңнан астам адамды құтқарғанын хабарлады.

Демалыс күндері толассыз жауған нөсер жауын бірнеше штатта су тасқынын тудырды. Нью-Йорктен Алабамаға дейін 700 мыңнан астам үй, бизнес орталықтары және өзге де ғимараттар жаңбыр, қатты жел және тасқын салдарынан электр жарығынсыз қалды.

Зардап шеккен аймақтарда төтенше жағдай жарияланды, іздестіру-құтқару жұмыстары жалғасуда.