Қазіргі уақытта АҚШ аумағында жүрген шамамен 1,6 миллион заңсыз мигрант депортациялануы мүмкін.

Бұл туралы АҚШ Иммиграция және кедендік бақылау қызметі (ICE) директорының міндетін атқарушы Тодд Лайонс мәлімдеді.

Fox News телеарнасының хабарлауынша, ол бұл көрсеткіштерді бейсенбі күні АҚШ Сенатының Ішкі қауіпсіздік және үкімет істері жөніндегі комитеті мүшелері алдында сөйлеген сөзінде жариялаған. Лайонстың айтуынша, тізімдегі адамдардың шамамен 800 мыңы бұрын сотталған.

Бұған дейін Кристи Ноэм 2025 жылы 3 миллион мигрант елден кеткенін, олардың шамамен 800 мыңы мәжбүрлі түрде депортацияланғанын айтқан еді.