АҚШ еңбек нарығындағы жағдай күрделене түсті. Биылғы жылдың қараша айында жұмыссыздық деңгейі 4,6 пайызға жетіп, соңғы төрт жылдағы ең жоғары көрсеткіш тіркелді.

Бұл туралы АҚШ Еңбек статистикасы бюросы (BLS) жариялаған қорытындыға сәйкес, қараша айында АҚШ экономикасында бар болғаны 64 мыңға жуық жаңа жұмыс орны ашылған. 

Бұл көрсеткіш күтілгеннен жоғары болғанымен, қазан айында 105 мың жұмыс орнының қысқаруы салдарынан экономика әлі де баяулап отыр. Федералдық үкіметтегі ереуілдер мен жұмыстың тоқтап қалуына байланысты қазан айындағы нақты жұмыссыздық деңгейі жарияланбаған еді, алайда қарашадағы деректер жағдайдың нашарлағанын көрсетті.

Сарапшылардың пікірінше, ел экономикасы «жұмыссыздық рецессиясы» кезеңіне қадам басқан. Navy Federal Credit Union бас экономисі Хизер Лонгтың айтуынша, соңғы үш айда жұмыс орындарының саны айтарлықтай қысқарған. Қазіргі таңда тек денсаулық сақтау мен құрылыс салаларында өсім байқалады, ал басқа салаларда кері үрдіс қалыптасқан.