Америка Құрама Штаттарында биылғы маусымда кем дегенде 15 мың адам тұмаудан қайтыс болды.

АҚШ-тың Ауруларды бақылау және алдын алу орталықтары /CDC/ жариялаған соңғы деректер бойынша, осы маусымда елде кем дегенде 22 миллион тұмау оқиғасы және 250 мың науқас ауруханаға жатқызылған.

CDC мәліметтері бойынша, 3 ақпанда аяқталған аптада балалар арасында тұмауға байланысты сегіз өлім тіркелген. Жалпы маусым басынан бері елде тұмаудан 74 бала көз жұмған.

Кейінгі аптада 11 мыңнан астам адам тұмау диагнозымен ауруханаға жатқызылды.