Америка Құрама Штаттарының батысында шағын ұшақ апатқа ұшырап, бір адам қаза тапты, екіншісі жарақат алды.

Синьхуа агенттігінің хабарлауынша, оқиға Калифорния штатының батысындағы Сан-Рафаэль әуежайында сенбіге қараған түні болған.

Ұшқыштың жағдайы ауыр, жолаушы қайтыс болды, деп жазды Марин округінің шериф кеңсесі Twitter-де.

Құтқарушылар ұшақты әуежайдың ұшу-қону жолағына жақын орналасқан батпақтан тапқан. Ұшақ Невада штатының Минден қаласынан ұшып шыққан. Бортта ұшқышты қосқанда екі адам болған.