АҚШ-та футбол командасының құрметіне өткен шеруде атыс болып, 20-дан астам адам зардап шекті.

Super Bowl жеңімпаздарының құрметіне парад өтіп жатқан Канзас-Ситиде атыс болды. Салдарынан 22 адам зардап шекті.

«Бір адамның қайтыс болғаны расталды. Оқтан зардап шеккендердің жалпы саны 22-ге жетті», - деген қалалық полиция басшысы Стейси Грейвс.

Зардап шеккендердің арасында 8 бала бар екені айтылған.

Полиция басшысы Грейвс сонымен қатар үш адамның қамауға алынғанын мәлімдеген.