АҚШ-та 29 қаңтар күні жақындаған қарлы дауылға байланысты 5 мыңға жуық рейс тоқтатылды.

Reuters-тің хабарлауынша, синоптиктер дауыл қауіпті боранға әкеліп соғады және рейстерді орындау «дерлік мүмкін емес» деп мәлімдеген.

FlightAware мәліметінше, жұма мен жексенбі аралығында шамамен 4,900 рейс тоқтатылған.

Ұшуы шектелген рейстердің көпшілігі Нью-Йорк, Бостон, Ньюарк және Филадельфия әуежайларына тиісті.