АҚШ-тың Азық-түлік және дәрі-дәрмек басқармасы (FDA) американдық Merck және Ridgeback Biotherapeutics компаниялары шығарған COVID-19 таблеткаларын (молнупиравир) пайдалануға рұқсат берді.

Associated Press сайтындағы мәлімет бойынша, препарат Америка Құрама Штаттарында COVID-19 емдеу үшін мақұлданған екінші капсулалық препарат болып табылады.

FDA Merck таблеткаларын коронавирустың ерте белгілері бар және ауруханаға жатқызу қаупі жоғары ересектер үшін пайдалануға рұқсат берді. Препаратты жүкті әйелдер қабылдауға болмайды. 

Препарат тек рецепт бойынша қол жетімді болады. Оны COVID-19 диагнозы қойылғаннан кейін және симптомдар басталғаннан кейін бес күн ішінде мүмкіндігінше тезірек қолдану керек.