АҚШ: собиқ президентнинг оммавий эътироф даражаси 39, амалдаги президентнинг эътироф даражаси 38 фоизни ташкил этмоқда
АҚШнинг собиқ президенти Дональд Трампнинг оммавий эътироф рейтинги даражаси 39 фоизни ташкил қилмоқда. Амалдаги президентнинг бу борадаги рейтинги эса 38 фоиз.
“ТАСС” хабарига кўра, Квиннипэк университетининг ижтимоий сўрови натижалари шундай бўлган. Трампнинг антирейтинги – яъни унга салбий муносабатдаги америкаликлар 52 фоиз бўлиб тургани ҳам қайд этилган.
Сўровда Трамп ва Байденнинг май ойидаги даражаси солиштирилган. Унга кўра, Трампнинг аҳоли томонидан қўллаб-қувватланиши ортган. Амалдаги президент Жо Байден эса оммавийлик даражани бой бермоқда.
Ҳозир уни қўлловчилар 38 фоиз, унга салбий муносабатда бўлувчилар эса 50 фоизни ташкил қилмоқда.
З.Мирзабоева, ЎзА