Amerikalik senatorlar Rossiyani BMT Inson Huquqlari Kengashi tarkibidan chiqarishni talab qilmoqda. Senatning tashqi aloqalar qo‘mitasi raisi Bob Menendez va respublikachi Jim Rish boshchiligidagi qonunchilar AQSHning BMTdagi vakili Linda Tomas-Grinfildga maktub yo‘llab, Rossiyani inson huquqlari tashkilotidan chiqarish bo‘yicha rezolyutsiya kiritishni talab qildi.

Unda Rossiya bilan urushda ko‘plab qurbonlar haqida so‘z yuritiladi, shuningdek, uy, shifoxona va maktablarning o‘qqa tutilishi hamda qochgan tinch aholining qirg‘in qilinishi ham nazarda tutilgan.  

Sakkiz nafar demokrat va to‘rt nafar respublikachi Rossiya prezidenti nomini tilga olib, Rossiya Federatsiyasi va Vladimir Putinning o‘zi tomonidan sodir etilgan jinoyatlarning ko‘pligi Rossiya hukumati xalqaro inson huquqlarini himoya qilish niyatida emasligini ko‘rsatadi. 

– Shuning uchun, RF butun dunyo bo‘ylab inson huquqlarini targ‘ib qilish va himoya qilishdan iborat bo‘lgan tashkilotdan foyda olishga loyiqmi yoki yo‘qligini ko‘rib chiqish vaqti keldi, – deya qo‘shimcha qildi Bob Menendez va Jim Rish.  

Birlashgan Millatlar Tashkilotining Inson huquqlari bo‘yicha Oliy komissarligi boshqarmasi ma’lumotiga ko‘ra, o‘tgan oydan buyon 1200 ga yaqin tinch aholi halok bo‘lgan va 1860 nafari yaralangan. BMT qochqinlar agentligi ma’lumotiga ko‘ra, 3,9 milliondan ortiq ukrainaliklar zo‘ravonliklardan qochib Yevropaning bir qancha davlatlaridan boshpana izlagan va millionlab odamlar esa mamlakat ichida o‘z uylarini tashlab ketgan.