“AQSH hukumati Rossiya va Xitoy davlat kompaniyalari egallab turgan bozorga chiqishi hamda jahon yadroviy energetika sohasida eng zoʻr texnologiyalarni eksport qiluvchi birinchi davlatga aylanishi kerak, qolaversa, yadro qurollarini tarqatmaslik borasida qatʼiy standartlarni joriy qilishi zarur“, — deyiladi kuni kecha prezident Donald Trampga koʻrib chiqish uchun kiritilgan hujjatda.

Jumladan, AQSH energetika vazirligi Moskva va Pekinning ushbu sohada “qator Sharqiy Yevropa va Afrika davlatlari” bilan mustahkam aloqa oʻrnatishiga halaqit berish kerak“.

Bundan tashqari, strategiya mualliflarining fikricha, AQSH yadroviy muvofiqlashtirish Komissiyasiga “Rossiya bilan Xitoyda ishlab chiqarilgan yadro yoqilgʻisini import qilishni rad eta olish vakolati berilishi kerak”. Xabarda aytilishicha, bu milliy xavfsizlikni taʼminlash uchun juda muhimdir.

Ayrim xabarlarda aytilishicha, hozirda, masalan, “Rosatom“ 2019-yil yakunlariga koʻra, kelgusi oʻn yilga yetadigan buyurtmalarga ega boʻlib, ularning qiymati 133-135 milliard dollarga baholanadi.

“Rosatom“ning xorijiy davlatlardan buyurtmalari portfeli tarkibida nafaqat atom energobloklarini bunyod etish boʻyicha shartnomalar mavjud, balki tinch atomning boshqa yoʻnalishlaridagi shartnomalar ham anchagina. Hozirda ushbu portfelda dunyoning turli mamlakatlarida hayotga joriy etilayotgan 36 ta AES energoblok qurilishi loyihasi turibdi.