Дүниежүзілік денсаулық сақтау ұйымы ең ірі қаржылық донорларының бірінен айырылды.

АҚШ президенті Дональд Трамп бір жыл бұрын COVID-19 пандемиясы кезінде Дүниежүзілік денсаулық сақтау ұйымын (ДДСҰ) «Қытайды жақтауда» айыптап, ұйымнан шығу туралы жарлыққа қол қойған болатын. Енді АҚШ бұл ұйымнан ресми түрде шықты.

АҚШ Денсаулық сақтау министрлігінің мәлімдеуінше, ДДСҰ құрамынан шығу туралы шешім пандемия кезіндегі жағдайды «дұрыс басқармауымен», сондай-ақ ұйымның реформалар жүргізуге қабілетсіздігі және оған мүше мемлекеттердің саяси ықпалына тәуелді болуымен байланысты қабылданған.