АҚШ ядро қуролини қўллаш имкониятини экстремал вазиятлар юзага келганда ҳамда Вашингтон ва иттифоқчиларининг ҳаётий муҳим манфаатларини ҳимоя қилиш мақсадида кўриб чиқиши мумкин, деди АҚШ двлат котиби Энтони Блинкен Ядро қуролларини тарқатмаслик шартномасига бағишлаб БМТда ташкил қилинган конференцияда сўзга чиқиб.

"Ядро қуроли бор экан, АҚШ ядро қуролининг асосий роли Америка Қўшма Штатларига, шерикларимиз ва иттифоқчиларимизга уюштириладиган ядро ҳужумини  тийиб туришдан иборат. 

АҚШ ядро қуролини қўллаш масаласини фақат экстремал шароит юзага келганда кўриб чиқади, мақсадимиз АҚШ ва иттифоқчиларининг ҳаётий манфаатларини ҳимоя қилишдир", - деди Блинкен.