АҚШ президенти Жо Байден Конгрессни мамлакатдаги ўт очар қуролларни олиб юришни тартибга солувчи қонунни ислоҳ қилишга чақирди, дейилади “Bloomberg” хабарида.

Байденнинг фикрича, ҳар қандай ўт очар қуролни сотишдан олдин харидорнинг ўтмиши синчков текширувдан ўтказилиши лозим.  

Бундан ташқари, қуролларни жисмоний шахсларга онгли тарзда сотаётган ишлаб чиқарувчилар ўз ҳаракатига жавобгар бўлиши лозим.

Байден бу ислоҳотнинг заруриятини мамлакатдаги оммавий қотилликлар кўпайгани билан изоҳлади.

“Бундай ўзгаришнинг амалга оширилиши – қурбонларнинг яқинлари олдидаги бурчимиз. Ҳаракат қилишнинг вақти етди”, деди Оқ уй раҳбари.