АҚШ билігі еуропалық серіктестермен бірге Ресейді SWIFT халықаралық банкаралық жүйесінен ажырату мүмкіндігін мұқият қарастыруда.

Bloomberg ақпарат көзінің хабарлауынша, Джо Байден әкімшілігінің өкілдері ЕО басшылығымен Ресей Федерациясын төлем жүйесінен бірлесіп ажырату үшін ықпал ету мүмкіндігін талқылап жатыр. Тиісті жоспар АҚШ-та SWIFT үшін қадағалау органы ретінде әрекет ететін Федералдық резерв жүйесімен келісілуде.

Бұған қоса, Еуропалық Одақтың Экономикалық комиссары Паоло Джентилони ЕО мен Еуропалық Орталық банк бірнеше күн ішінде Ресейді SWIFT-тен ажыратуды қарастыру үшін келіссөздер жүргізетінін айтқан.