Америкалық әскерилер Нигердің солтүстігіндегі Агадес қаласында орналасқан әуе базасынан шықты.

Бұл ақпаратты екі елдің қарулы күштері таратқан бірлескен мәлімдеме растайды.

Шілде айының басында АҚШ сарбаздары Нигер астанасы Ниамейдегі әскери базадан да шыққан еді. Әзірге Агадес қаласындағы дрондар базасында шамамен 200 американдық сарбаз қалған.

Мәлімдемеге сәйкес, АҚШ пен Нигер қарулы күштерінің тиімді ынтымақтастығы бұл процестің мерзімінен бұрын және еш қиындықсыз аяқталуына мүмкіндік берді.

Бұған дейін АҚШ Чад пен Нигерде осы екі елдің бастамасымен әскери ынтымақтастықты тоқтата бастаған еді. Дерекке сәйкес, АҚШ-тың 1100 сарбазы Нигерде, 100 әскері Чадта қызмет еткен.