AQSH mudofaa vazirining siyosiy masalalar bo‘yicha o‘rinbosari Kolin Kal Ukraina armiyasi asta-sekin NATO standartidagi qurollarga o‘tadi, dedi.

"Kelgusi yillarda ham ular o‘zlarida ishlab chiqarilgan qurol-yarog‘ va tizimlaridan foydalanishni davom ettirishi turgan gap. Biroq, shaxsan mening fikrimcha, Ukraina bosqichma-bosqich Alyans standartidagi qurollarga o‘tadi", – deya keltiradi Kalning so‘zlarini "UNN" nashri.  

Bayonotga ko‘ra, Ukrainaning NATO qurollari tizimiga to‘liq integratsiyalashishi uchun kamida uch yil kerak bo‘ladi.

Shu bilan birga, Kolin Kal so‘nggi oylarda Ukrainaga dunyoning 50 dan ortiq mamlakati harbiy yordam ko‘rsatganini ta’kidladi.