АҚШ иқтисодиёти секинлашмоқда, деди мамлакат молия вазири Жанет Йеллен. Лекин унинг таъкидлашича, бу рецессия эмас, балки тез ўсишдан кейин кузатиладиган кўриниш.

"Иқтисодиёт секинлашмоқда: ўтган йили АҚШ иқтисодиёти жуда тез ўсди ва 5,5 фоизни ташкил этди. Бу одамларни пандемия туфайли йўқотган иш ўринларига қайтарди.  Лекин бу рецессия вақтидаги иқтисодиёт эмас. Биз ўтиш давридамиз, бундай пайтда иқтисодиёт секинлашади. Бу зарурат ва айни вазиятга мос келади", - деди Йеллен NBCга берган интервьюсида. 

Унинг таъкидлашича, мамлакатда инфляция ҳаддан ортиқ юқори, иқтисодиётда секинлашиш бор, лекин рецессия аломатлари йўқ.