AQSH ma’muriyati Eron vakillari bilan O‘monda muzokara o‘tkazish taklifiga rozilik bildirdi. Maslahatlashuv 6 fevralga belgilangan. Bu haqda "Axios" portali xabar berdi.

Arab davlatlaridan biridagi manbaga ko‘ra, AQSH va Eron o‘rtasidagi yadroviy masala bo‘yicha muloqot manzili Eron tomoni iltimosiga binoan, Turkiyadan O‘monga ko‘chirilgan. Qo‘shimcha qilinishicha, arab va musulmon davlatlarining mazkur uchrashuvda ishtirok etishi masalasi hali yechilmagan.

Eslatib o‘tamiz, avvalroq Eron AQSH bilan muzokara formatini ikki tomonlama shaklga o‘tkazish, shuningdek uchrashuvni Istanbuldan O‘monga ko‘chirish niyati haqida xabar bergan edi.  

                                                                                                                F.Yaxshiboyeva, O‘zA