АҚШ конгресінің Өкілдер палатасы Украинаға көмек пакетін 40 млрд долларға дейін арттыруды қолдады.

Associated Press-тің хабарлауынша, көмек көлемін ұлғайтуға 368 конгрессмен дауыс берсе, 57-сі қарсы болған. Заң жобасына қарсы дауыс берген депутаттардың барлығы Республикалық партияның мүшелері.

Бастаманы Сенат қолдаса, АҚШ президенті Джо Байден ұсынған көмек пакеті 7 миллиард долларға дейін - 33 миллиард доллардан 40 миллиард долларға дейін артады.

Заң жобасының шамамен 8,7 миллиард доллары «Украинаның шұғыл қажеттіліктерін қанағаттандыру үшін» Экономикалық қолдау қорына жіберіледі.

Құжатты енді АҚШ Сенаты мақұлдауы керек, содан кейін оны президент бекітеді.