Қўшма Штатлар Вашингтонда Миллий гвардия қўшинларига қилинган шов-шувли ҳужумдан сўнг, амалдаги иммиграция тақиқини тахминан 30 та мамлакатгача кенгайтиришни муҳокама қилмоқда, деб хабар тарқатди “CBC News”телеканали.

Канал манбалари қарор дастлабки босқичда эканлиги ва рўйхат ўзгариши мумкинлигини таъкидлаган. Айрим ОАВ манбалари АҚШ маъмурияти янги чоралар муҳокамасини Вашингтондаги ҳужум билан боғлаётганини аниқлаган. Бу ҳужум 2021 йил сентябрь ойида мамлакатга кирган ва шу йилнинг апрель ойида сиёсий бошпана олган афғон фуқароси томонидан содир этилган деб тахмин қилинмоқда.

Шу билан бирга, АҚШ расмийлари аллақачон афғон фуқаролари учун виза ва иммиграция аризаларини тўхтатиб қўйган, барча бошпана бериш жараёнларини музлатган ва амалдаги тақиққа киритилган 19 та давлат фуқаролари учун яшил карталарни қайта кўриб чиқишни бошлаган.

С.Раҳимов, ЎзА