Сейсенбіге қараған түні Калифорнияда АҚШ Ұлттық барлау агенттігінің құпия жүктері бар Delta IV Heavy супер ауыр зымыраны ғарышқа сәтті ұшырылды.

United Launch Alliance-тың хабарлауынша, Ванденберг авиабазасынан ұшырылған Delta IV Heavy зымыраны осымен 13-ші рет ұшырылуда. Ол АҚШ ғарыш күштері мен Ұлттық барлау агенттігінің басым ғарыштық бағдарламаларына қызмет ететін болады. 

АҚШ Ұлттық ғарыштық барлау кеңсесінің қажеттіліктеріне арналған атаулы миссия құпия болғандықтан көп нәрсе айтылмаған. Бірақ БАҚ беттеріндегі мәліметке қарағанда осындай бір ұшыру кем дегенде 400 миллион доллар тұрады.