АҚШ фармкомпаниясы өкілдері Ташкент облысындағы «Tashkent Pharma Park» инновациялық ғылыми-өндірістік фармацевтикалық кластерінің жұмысы, индустриалды аймақ пен технопарк аумағындағы жағдаймен танысты.

Бұл кластер әлемдік білім беру стандарттары негізінде фармацевтикалық мамандарды дайындау, фармацевтикалық білім беруді халықаралық ғылыми қоғамдастық жүйесіне дәйекті интеграциялауды қамтамасыз ету, республикадағы фармацевтикалық желіні одан әрі дамыту мақсаттарына қызмет етеді.

Фармацевтикалық желіні дамыту агенттігінің хабарлауынша, аталған кластер аумағында нысандардың құрылысы жалғасып жатқандықтан, қонақтарға оған инвестиция салу және дәріханалар құру жұмыстары туралы ақпарат берілген.