АҚШ ҳукумати глобал озиқ-овқат ёрдами учун яна чорак миллиард доллар ажратмоқда.

Бу ҳақда АҚШ Давлат котиби Энтони Блинкен Нью-Йоркдаги вазирлар йиғилишида маълум қилди, дейилади "Interfax" хабарида.

"Шошилинч чора кўриш зарурлигини ҳисобга олиб, АҚШ дунё озиқ-овқат таъминоти учун яна 250 миллион доллар маблағ ажратмоқда. Шунингдек, Конгресс томонидан тез орада глобал инсонпарварлик ёрдами ва озиқ-овқат хавфсизлиги муаммосини ҳал қилиш учун яна 5,5 миллиард доллар ажратиш маъқулланиши кутилмоқда", дейилади АҚШ Давлат котиби баёнотида.