АҚШ делегациясининг яқинда амалга оширган ташрифидан кейин Венесуэла ҳукумати бир неча америкаликни қамоқдан чиқарди, дейилади “The New York Times” хабарида. Жумладан, 2017 йил Каракасга ишчи ташрифи давомида коррупцияда айланиб қамоққа олинган “Citgo Petroleum” компанияси раҳбарларидан бири Густав Карденас озод қилинган.

Шунингдек, ўтган йил бошида террорчиликда айбланиб ҳибсга олинган, келиб чиқиши кубалик сайёҳ Жорж Альберто Фернандес ҳам қўйиб юборилди.

Жазо муддати бекор қилинган бошқа маҳкумлар ҳақида маълумот берилмаган.
Аввалроқ, АҚШ давлат котибининг сиёсий масалалар бўйича ўринбосари Виктория Нуланд Қўшма Штатларнинг Венесуэла ва ушбу мамлакат президенти Николас Мадуро бўйича позицияси ўзгармагани, ҳукумат комиссиясининг Венесуэлага ташрифи вазиятни ўзгартирмаганини билдирганди.