АҚШ үкіметі медиа платформаларға қатысты цензураға алып келетін шешімдерді қолдап отырған кейбір Еуропа мемлекеттеріне виза шектеулерін енгізуді жоспарлап отыр.

Бұл туралы АҚШ мемлекеттік хатшысы Марко Рубио мәлімдеді.

Бұл мәлімдеме Еуропалық комиссияның «Цифрлық қызметтер туралы заң» аясында X әлеуметтік желісіне 120 миллион еуро көлемінде айыппұл салуынан кейін жасалды.

Марко Рубионың айтуынша, Вашингтон америкалық платформалардың қызметіне сырттан қысым көрсетілуін цензура ретінде бағалайды. АҚШ Сыртқы істер ведомствосы қажет болған жағдайда осы бағытта қосымша шаралар қабылдауға дайын екенін жеткізді.