АҚШ президенті Джо Байден Мемлекеттік департаментте сөйлеген сөзінде елдің жаңа әкімшілігі босқындарды қабылдау квотасын көбейтетінін айтты. Биыл олардың санын 125 мыңға жеткізу жоспарланған.

ТАСС ақпарат агенттігіндегі ақпаратта, Ақ үй басшысы Джо Байден өткен кезеңде орын алған шығынды өтеу әлдеқайда қиын болатынын айтып «Бұл жарлық 1 қазаннан бастап бірінші толық қаржы жылына елдегі босқындарды қабылдау квотасын ұлғайтады. Құжатқа бүгін қол қойылады», - деген.

Бұған дейін жаңа президент өзінен бұрынғы президент енгізген көші-қон ағынының кедергілерін қайта қарай бастағаны хабарланған болатын.

Бұрынғы президент Дональд Трамптың тұсында АҚШ 2021 жылға қарай 15 мың адамға шектеу қойып, босқындарды қабылдауды дерлік тоқтатқан болатын. Сонымен қатар, коронавирус пандемиясының салдарынан босқындар іс жүзінде қабылданбады.