AQSH Alyaskada qit’alararo ballistik raketalarni ham, gipertovushli qurollarni ham birdek kuzata oladigan yangi radarning sinovini boshladi, deb xabar bermoqda «Interfaks».

Xabarda AQSH mudofaa idorasining raketalarga qarshi mudofaa agentligi direktori vitse-admiral Jon Xill uzoq masofadagi nishonni aniqlashga mo‘ljallangan radar qurilishi tugallangani, endi sinov bosqichiga o‘tilishi haqida ma’lum qilgani aytilmoqda. 
«Ushbu radar Shimoliy qo‘mondonlikka Amerika Qo‘shma Shtatlarini ballistik va gipertovushli raketalardan ishonchli qo‘riqlash imkonini beradi», — dedi Xill. 
Bayonotda aytilishicha, radar to‘liq ishga tushirilgandan keyin bir yo‘la bir nechta ob’ektlarni bir vaqtning o‘zida ham qidirib topadi, ham kuzatib boradi.