Америка Құрама Штаттары БҰҰ-ның Адам құқықтары жөніндегі кеңесіне қайта оралды. Бұл ел 2018 жылдың маусымында бұрынғы президент Дональд Трамп кезінде ұйымнан шыққан болатын.

14 қазанда БҰҰ Бас Ассамблеясы БҰҰ-ның Адам құқықтары жөніндегі кеңесінің құрамына 18 мемлекетті үш жылдық мерзімге сайлады. Осы елдер ішінде АҚШ-та бар.

Кеңеске үміткер елдердің барлығы АҚШ, Камерун, Эритрея, Гамбия, Бенин, Сомали, Катар, БАӘ, Қазақстан, Үндістан, Малайзия, Аргентина, Парагвай, Гондурас, Люксембург, Финляндия, Литва мен Черногория сайланған.

Жалпы кеңеске 47 мемлекет кірген болып, олардың үштен бірі жыл сайын қайта сайланады. АҚШ-қа жалпы 168 ел дауыс берген.