Доминиканнинг “Red Air” авиакомпанияси йўловчи самолёти Майами халқаро аэропортига (АҚШ, Флорида) қўнгач, ёниб кетди.

Бу ҳақда “ТАСС” хабар бермоқда.

Хабарда айтилишича, самолёт бортида 126 нафар йўловчи ва экипаж аъзоси бўлган.

Самолёт қўнганидан сўнг, олдинги қўниш мосламаси ишламай қолган ва самолёт ёниб кетган.

Ушбу бахтсиз ҳодиса оқибатида 3 киши енгил тан жароҳати билан шифохонага етказилгани айтилмоқда.