АҚШ Қуролли Кучлари 2040 йилгача бўлган даврни ўз ичига оладиган янгиланган ракетага қарши мудофаа стратегияси устида ишламоқда. Мазкур янги ҳужжат келаси йил октябрь ойида эълон қилинади. Ушбу маълумотни “Defense News” нашри мамлакат армиясининг Фазовий ва ракетага қарши мудофаа ҳамда бирлашган ракета қўмондонлиги раҳбари Шон Гейни баёнотига таяниб тарқатди.

– Ҳозир кўпроқ келажакка қарайдиган вақт, – деди Гейни. – Янги стратегия ўтмишдаги маълумот ва ҳозирги можаролар асосида керакли куч самарадорлигига эришиш учун ишлаб чиқилади.

Нашр эслатишича, АҚШнинг 2018 йил ўзгартирилган ракетага қарши мудофаа стратегияси 2028 йилгача амал қилиши лозим эди. бу галги ҳужжат 360 даража қамровли доимий кузатувни таъминлайди, саъй-ҳаракатни янада такомиллаштириш ва мослаштириш имконини берувчи очиқ хусусиятга эга бўлади ва сунъий интеллект технологиясининг “барча афзалликлари” дан фойдалана олади.