Сәлеметсіздер ме! Өзбекстан Ұлттық ақпарат агенттігінің виртуалды тілшісі сіздерді өткен аптада болған маңызды оқиғалар және жаңалықтармен таныстырады.

«Манчестер Сити» командасы Абдуқодир Хусановты «Ланс» командасынан қырық миллион еуроға сатып алғанын ресми түрде жариялады. Өзбекстандық футболшы «қалалық» клубпен 2029 жылдың маусымына дейін жоспарланған келісімшартқа қол қойды. Жиырма жасар Абдуқодир Хусанов АПЛ-де ойнайтын алғашқы өзбек футболшысы атанды.

***

Өзбекстан Республикасы Президентінің жарлығымен Турдимов Еркинжон Ақбутайевич Сырдария облысының әкімі қызметін атқарушы лауазымына тағайындалды. Облыстың бұрынғы әкімі Акмалжон Махмудалиев өз қызметінде өрескел қателіктер жібергені үшін қызметінен босатылды.

***

Абу-Даби қаласында «Жаһандық орта мектептер» номинациясы бойынша Шейх Заид жүлдесінің иегері болған Президент мектебі екі оқушысының ата-аналары мен ұстаздарына Өзбекстан Республикасы Президентінің атынан BYD автокөліктері берілді. Марапаттау рәсіміне Премьер-Министр Абдулла Арипов және Президент көмекшісі Саида Мирзиеёва қатысты.

***

Үргеніш—Қоңырат—Үргеніш бағытында поездар қатынауыжолға қойылды. Осы бағыттағы қатынау жиырманшы қаңтардан бастап Амудария өзенінен өтетін жаңа көпір арқылы жүзеге асырылуда.

Айта кетейік, Амудария үстінен өтетін теміржол және автокөлік жолына арналған көпір 2024 жылдың 29 ақпанында Шавкат Мирзиёев тарапынан ашылған еді.

***

Ташкент—Ходжикент теміржолы бір жарым километрге ұзартылды. Жиырма екінші қаңтарда жаңа «Чиноркент» бекеті іске қосылды. Сондай-ақ, мұнда жүз елу метр ұзындықта платформа мен шатыр құрылып, мүмкіндігі шектеулі жолаушылар үшін таймйтынжабындылар орнатылды және жолаушылар үшін жер асты туннелі салынды.

***

Өзбекстанда Германия еңбек нарығы үшін жүк көлігі жүргізушілері даярланады. Миграция агенттігі, Германияның SBH West GmbH және «Ватанпарвар» ұйымдары арасында жасалған үшжақты келісім бойынша, жеті жүз өзбекстандық жүк көлігі, автобус және локомотив жүргізушісі ретінде Өзбекстанда неміс тіліне оқытылады. Жақын күндері жаңа топтар ашылып, кең көлемде оқыту басталатыны хабарланды.

***

Өзбекстан ұлттық құрамасының бас бапкері Сречко Катанс денсаулығына байланысты қызметінен кету туралы шешім қабылдады. Словениялық бапкер өз өтінішінде қазіргі жағдайында өз міндеттерін толыққанды және кәсіби түрде орындауға қабілетсіздігін атап өткен.
Өзбекстан ұлттық құрамасының бас бапкері ретінде өткен жылы Олимпиада құрамасымен тарихи жетістікке жеткен Тимур Кападзе тағайындалды.

***

Бүгінгі айтар жаңалықтарымыз осымен аяқталды. Өзбекстан Ұлттық ақпарат агенттігі жаңалықтарын қарай жүріңіз!